والله العظيم عايز50 جنيه بس

اه عايز 50 جنيه
هقولكم ايه حكايه ال50 جنيه
بس ارجوكم كملو الموضوع للاخر انا مش هطول
كنت بتكلم انا وصديقي عن احوالنا الماديه طبعا الي متفرحش
وفكرنا ازاي نصلح امورنا الماديه طبعا الحاله ده حاله كل المصريين ولا ايه
اقتصادنا ميفرحش عدو ولا حبيب والمخزون من الغاز والزيت والسكر والرز
كبيرو 8 شهور والاحتياطي النقدي كبيرو 3 شهور والي ميعرفش
ايه هو الاحتياطي النقدي
دي الفلوس الي بنشتري بيها الاكل والشرب واي حاجه محتجاها البلد من اي دوله تاني
المهم فكرنا اننا نتبرع ب50 جنيه والله وحدو يعلم حالتنا الماديه انا وهو
بس احنا مش اكرم من الله عز وجل
لو كل الناس فكرت ذينا\ 50 جنيه في 85 مليون =4مليار 250 مليون
مش احسن من اننا نستلف من البنك الدولي ويفرض شروطو والله وحده اعلم هيا ايه الشروط دي ممكن تضيع كل الي عملناه
وفي الاخر لو البلد حالها اتعدل حالنا كلنا هيتعدل
يا ناس خلاص البلد دي بقت بتعتي وبتعتك خلاص مشي حسني وكل المفسدين وسبوهلنا انا خايف لنشمتهم فيه
علي فكري انا مش موظف لا قطاع عام ولا خاص انا كهربائي وعندي محل علي قدو في منطقه شعبيه
ان شاء الله انا رايح الصبح انا وصديقي نتبرع بالفلوس
واظن ان رقم الحساب 25\1\2011

ونفسي الاقي في الردود انا اتبرعت بال50 جنيه
اللهم اصلح حالنا ويسر امورنا وتولانا يا ارحم الراحمين